ಮಹಾ ಸ್ವಪ್ನ
Tuesday, March 12, 2013
ಬ್ರೂಣ ಸಂಭಾಷಣೆ
ಆಸ್ಪತ್ರೆಯ ಸ್ಕ್ಯಾನಿಂಗ್ ಯಂತ್ರದ ಕೆಳಗೆ
ಗರ್ಭವತಿ ತಾಯಿ ಮಲಗಿದ್ದಾಳೆ,
ಹೊಟ್ಟೆಯೊಳಗಿಂದ ಅವಳಿ ಹೆಣ್ಣು ಬ್ರೂಣಗಳು
ಮೆಲ್ಲಗೆ ಪಿಸುಗುಟ್ಟ ತೊಡಗಿದವು .
ಒಂದನೇ ಬ್ರೂಣ:
ಉದರ ಒಡತಿಯೇ ನಮ್ಮ ತಾಯಿ
ಜನ್ಮದಾತನೆ ನಮ್ಮ ತಂದೆ
ಧರೆಗೆ ಈರ್ವರೆ ಮೊದಲ ದೇವರು.
ಎನಿತು ಸಂಭ್ರಮ ,ಎನಿತು ಸಂತಸ,
ಎರಡನೇ ಬ್ರೂಣ:
ಅಕ್ಕಾ,ನಾವು ಹೆಣ್ಗಳಂತೆ......
ಧರೆಯ ಪೋಷಿಪ ಕಂಗಳಂತೆ.
ಎಲ್ಲ ಹಾಡಿ ಹೊಗಳ್ವರು
ಗಂಡು ಮಗುವೆ ಬೇಕೆನ್ವರು .
ಒಂದನೇ ಬ್ರೂಣ:
ನಾವು ಎರವರು ಅವರ ಜಗಕೆ
ಮಡದಿ ಮಾತ್ರವೇ ಶಯನ ಗೃಹಕೆ.
ಹೆಣ್ಣು ಜನ್ಮವು ಪಾಪವಂತೆ...
ಮುಸುರೆ ತಿಕ್ಕುವ ಜೀತರಂತೆ.
ಎರಡನೇ ಬ್ರೂಣ:
ಬಿಸಿಯ ಉಸಿರು ಸೋಕುತಿಹದು
ಅಮ್ಮನೆಕೋ ಅಳುತಲಿಹಳು.
ಯಾರೋ ಗಂಡು ವಾದಗೈವಂತಿದೆ
ನಮ್ಮನಳಿಸಲು ಪಿತೂರಿ ನಡೆದಂತಿದೆ.
ಬಿಕ್ಕಿತಾ ಬ್ರೂಣವು.....!
ಒಂದನೇ ಬ್ರೂಣ:
ಅಯ್ಯೋ! ಪಾಪಿ ಗಂಡು ಕುಲವೇ
ನಾವು ಇಲ್ಲದ ಲೋಕ ತರವೇ.
ಜನ್ಮ ನೀಡಿದ ತಾಯಿ ಹೆಣ್ಣು ...
ಮನೆಯ ಬೆಳಗಿದ ಜ್ಯೋತಿ ಹೆಣ್ಣು.
ಸಮತೆ ತೋಟದ ಗಂಧ ಕುಸುಮ
ಇಳೆಗೆ ಇಬ್ಬರೂ ಸಮ.
ಅದಾಗಲೇ ಅಪರೇಷನ್ ಶುರುವಾಗಿದೆ...
ಎರಡನೇ ಬ್ರೂಣ:
ಅಕ್ಕಾ, ಏನೋ ಚುಚ್ಚುತಿಹದು ...
ಮಚ್ಚು ಕತ್ತರಿ ಕಾಣುತಿಹದು .......
ಅಂತ್ಯವಾಯಿತು ಅವಳಿ ಜನ್ಮ
ಗಂಡು ಮೆರೆಯಿತು
ಹೆಣ್ಣು ನರಳಿತು.
ಸಮತೆ ತೋಟದ ಹೂವು ಬಾಡಿತು.
Friday, January 27, 2012
ಮರಕ್ಕೆ ಹುಟ್ಟಿದ ಬೀಜ -
ತಲೆ ಮೇಲೆ
ಹೊತ್ತಿದ್ದೇನೆ ಬೀಜಗಳ
ಉತ್ತುವದಷ್ಟೇ ಬಾಕಿ.
ಸಸಿಯೊಳಗೆ ಸಸಿ ಚಿಗುರಿ
ಚಿಗುರೇ ಸಸಿ ನುಂಗಿ
ಬಾಯ್ದೆರೆದಿದೆ ಭೂಮಿ
ಅವೆಷ್ಟೋ ಬೇರುಗಳ ನುಂಗಿ.
ಮರದ ಬೇರುಗಳು
ಮರೆಯಾಗಿ ಹೋದಾಗ
ನೆಲವೂ ನಾಲಗೆ ಚಾಚುತ್ತದಂತೆ.
ಹೊತ್ತಷ್ಟು ದಣಿದು
ಅಗೆದಷ್ಟು ಮಣಿದು .,
ಮಣ್ಣು ಹೊರ ಚೆಲ್ಲಿದೆ ಬೀಜಗಳ
ನೀವು ಮನುಜ ಸೃಷ್ಟಿ
ನೀವೇನು ಮರಕ್ಕೆ ಹುಟ್ಟಿದಿರೆ ..?
ನೆಲದಣಿದು ಒಡಲಾರಿ
ಮತ್ತೆ ನೀರಿಟ್ಟು ನಿಂತಿದ್ದೇನೆ
ಗತಿ ಇರದೇ
ಅವೇ ಬೀಜಗಳ ಹೊತ್ತು ..
ನಾಟುವದೋ
ನಮ್ಮೆದೆಯ ಮೀಟುವದೋ....?
ಹೊತ್ತಿದ್ದೇನೆ ಬೀಜಗಳ
ಉತ್ತುವದಷ್ಟೇ ಬಾಕಿ.
ಸಸಿಯೊಳಗೆ ಸಸಿ ಚಿಗುರಿ
ಚಿಗುರೇ ಸಸಿ ನುಂಗಿ
ಬಾಯ್ದೆರೆದಿದೆ ಭೂಮಿ
ಅವೆಷ್ಟೋ ಬೇರುಗಳ ನುಂಗಿ.
ಮರದ ಬೇರುಗಳು
ಮರೆಯಾಗಿ ಹೋದಾಗ
ನೆಲವೂ ನಾಲಗೆ ಚಾಚುತ್ತದಂತೆ.
ಹೊತ್ತಷ್ಟು ದಣಿದು
ಅಗೆದಷ್ಟು ಮಣಿದು .,
ಮಣ್ಣು ಹೊರ ಚೆಲ್ಲಿದೆ ಬೀಜಗಳ
ನೀವು ಮನುಜ ಸೃಷ್ಟಿ
ನೀವೇನು ಮರಕ್ಕೆ ಹುಟ್ಟಿದಿರೆ ..?
ನೆಲದಣಿದು ಒಡಲಾರಿ
ಮತ್ತೆ ನೀರಿಟ್ಟು ನಿಂತಿದ್ದೇನೆ
ಗತಿ ಇರದೇ
ಅವೇ ಬೀಜಗಳ ಹೊತ್ತು ..
ನಾಟುವದೋ
ನಮ್ಮೆದೆಯ ಮೀಟುವದೋ....?
Monday, March 22, 2010
Subscribe to:
Posts (Atom)